Plüsch http://www.pluesch.ch/frueschgwaesche Früsch Gwäsche Mon, 17 Nov 2008 13:02:28 +0000 http://wordpress.org/?v=2.0.4 en Pouse! http://www.pluesch.ch/frueschgwaesche/2008/11/17/pouse-2/ http://www.pluesch.ch/frueschgwaesche/2008/11/17/pouse-2/#comments Mon, 17 Nov 2008 13:00:31 +0000 pluesch nöigkeite http://www.pluesch.ch/frueschgwaesche/2008/11/17/pouse-2/ Liebschti Lüt

Mitem geschtrige Uftritt bi de gröschte Schwizerhits hei ‘mer üsi Pouse also definitiv iiglütet und ou di kursierende uflösigs-grücht us dr Wält gschafft. Mir danke am SF u allne wo hei zuegluegt u mitgsunge!

Mir wärde üs dismal chli e längeri Pouse gönne, wüll sech dr eint oder ander vor Band brueflech nöi orientiert und ds läbe näb dr Band halt ou so sini Zyt bruucht. Ir Zwüschezyt simer aber scho nid grad ganz ab dere Chugle verschwunde; Bi Ritschi gits ja bereits im 2009 es Album, (meh Infos derzue uf ritschi.ch) und ou dr Simi und dr Bali wärdeter sicher uf dr einte oder andere Bühni chönne gseh. (Meh Infos da derzue gits under simonryf.ch und balidrums.com)

Bis denn wünsche mer allne ganz e gueti Zyt, blibet zääi und üs tröi! ;)

Mit de beschte Grüess,

Ritschi, Roger, Simi, Hunzi & Bali

]]> http://www.pluesch.ch/frueschgwaesche/2008/11/17/pouse-2/feed/ DVD “Live im Volkshuus” ab 12.9. im Handel - hie jetz scho Vorbschtelle! http://www.pluesch.ch/frueschgwaesche/2008/08/07/dvd-live-im-volkshuus/ http://www.pluesch.ch/frueschgwaesche/2008/08/07/dvd-live-im-volkshuus/#comments Thu, 07 Aug 2008 10:50:30 +0000 pluesch nöigkeite http://www.pluesch.ch/frueschgwaesche/2008/08/07/dvd-live-im-volkshuus/ DVD CoverLiebschti Lüt

Lang und länger isches jetz gange bis mer üsi DVD ändlech hei fertig gha. Aber jetz isch si parat! Und wi verschproche, het sech ds warte glohnt; Über 2h Live-Konzärt usem Volkshuus plus 1 Stund Bonusmaterial usem hinderschte Egge im Plüsch-Archiv wie zum bischpil üses allererschte Konzärt womer no “V.I.P.” hei gheisse, Usschnitte vom Gurtefestival 2004, Backstageufnahme vor Tuur, Föteli und meh… alles uf dr DVD “Live im Volkshuus” und abem 12. Septämber überall erhältlech!

Vorbschtelle chame ’se natürlech oscho i üsem Schopp hie uf dr Site.
… de isch si drum de villech o scho chli früecher bi öich deheime… ;)

Und zum d’Vorfröid oscho chli ds schtille hei mer 3 Usschnitte parat gmacht. Die findeter äbefalls hie uf dr Site under de Videos, uf myspace und uf youtube.

Mit de beschte Grüess
los plüschos :)

]]> http://www.pluesch.ch/frueschgwaesche/2008/08/07/dvd-live-im-volkshuus/feed/ DVD-News http://www.pluesch.ch/frueschgwaesche/2008/05/11/dvd-news/ http://www.pluesch.ch/frueschgwaesche/2008/05/11/dvd-news/#comments Sun, 11 May 2008 21:31:22 +0000 pluesch nöigkeite http://www.pluesch.ch/frueschgwaesche/2008/05/11/dvd-news/ Liebi Lüt,

wi gwohnt, chas bi üüs ja mängisch chli länger gah, … u leider heimer wäge Problem bim Film-Schnitt dr Release vo üsem “Live im Volkshuus”-DVD müesse verschiebe. Heisst also, dases ändi Ouguscht wird. Derfüür hei ‘mer ir zwüschezyt no ds einte oder andere “Special” gfunde i üsem Videoarchiv, womer de ono drufpacke ! Es blibt also schpannend… ;)
Gniesset dr Summer & hopp schwiiz!!
los plüschos

]]> http://www.pluesch.ch/frueschgwaesche/2008/05/11/dvd-news/feed/ Jetz aber… http://www.pluesch.ch/frueschgwaesche/2008/01/21/jetz-aber/ http://www.pluesch.ch/frueschgwaesche/2008/01/21/jetz-aber/#comments Mon, 21 Jan 2008 09:47:32 +0000 pluesch nöigkeite http://www.pluesch.ch/frueschgwaesche/2008/01/21/jetz-aber/ … isch die Tour fertig und üsi ultimativi Live-DVD syt em letschte Fritig im Chaschte.
Es isch e unvergässleche Aabe gsi für üüs mit öich im Volkshuus! Und für alli wo dä Aabe ou wette uf d’Site tue und hie und da nomal fürenäh, hei mer mitti/ändi Mai die DVD parat und im Handel. Sobalds News für Vorbschtellige git, wärde mer nech die natürlech hie sofort la zuecho. Mir mache üs ir Zwüschezyt mal a ds schnide vo de Bilder und mische vom Ton dases de ou würklech e gueti Sach git. Mir gäbe alles! ;)

A dere Schtell ou no mal es grosses MERCI a alli wo üs si cho luege und lose a dene 60 Konzärt uf dr früsch gwäschne Tour. Es isch eifach super gsi! Trotz ‘em pöiseli womer jetz widermal iilege, fröie mir üs natürlech schowider uf di nächschti Tour mit öich! Villech geits zwar das mal chli länger als o scho, aber mir wärde garantiert wider es nöis Album mache und dermit wider dür d’Schwiz reise! Soviil isch schomal klar…! :)

Mir wünsche allne e gueti Zyt, häbets guet & bis bald!
Liebi Grüess vo öine Plüschlers!

]]> http://www.pluesch.ch/frueschgwaesche/2008/01/21/jetz-aber/feed/ U schowider geit es Jahr z’ändi… http://www.pluesch.ch/frueschgwaesche/2007/12/22/u-schowider-geit-es-jahr-zandi/ http://www.pluesch.ch/frueschgwaesche/2007/12/22/u-schowider-geit-es-jahr-zandi/#comments Sat, 22 Dec 2007 00:03:56 +0000 pluesch nöigkeite http://www.pluesch.ch/frueschgwaesche/2007/12/22/u-schowider-geit-es-jahr-zandi/ U mir möchte allne danke wo üs ou das Jahr wider ermöglecht hei so viil und so geili Konzärt z’schpile! Es het einisch meh eifach nume gfägt! Es Merci allne wo si cho luege, lose, singe, tanze, chlatsche, ufboue, abboue, mische, belüchte, fötele, filme, schleppe, laschtwagefahre, choche, füetere, wäsche, putze oder üs süsch irgendwie hei unterschtützt!! ;)
Mir wünsche allne e schöni u hoffentlech schtressfreii Wiehnachtszyt und e guete Rutsch is 2008!

Bis bald
the plüschens

]]> http://www.pluesch.ch/frueschgwaesche/2007/12/22/u-schowider-geit-es-jahr-zandi/feed/ Tourabschlusskonzärt! http://www.pluesch.ch/frueschgwaesche/2007/10/20/noischti-nius-tourabschlusskonzart/ http://www.pluesch.ch/frueschgwaesche/2007/10/20/noischti-nius-tourabschlusskonzart/#comments Sat, 20 Oct 2007 16:49:48 +0000 pluesch nöigkeite http://www.pluesch.ch/frueschgwaesche/2007/10/20/noischti-nius-tourabschlusskonzart/ Wi wyterunde schomal aatönt, gits bereits wider niuus! Gueti Niuus! :)

Bevor mir üs wider üsi altbekannti Pouse gönne und üs für längeri Zyt wider chli em Einte oder Andere wo ds Läbe süsch no so bringt widme, löh mers am 18. Januar 2008 z’Züri im Volkshuus nomal richtig la krache! Und wär debii isch, wird Teil vo üsere langersehnte Früsch-Gwäsche-Superduper-Live-DVD wo mir dert a däm Aabe wärde ufnäh! … und es lohnt sech also ou scho nume wäg dr Vorband… ;)
Bis bald

los plüschos

]]> http://www.pluesch.ch/frueschgwaesche/2007/10/20/noischti-nius-tourabschlusskonzart/feed/ Plüsch-Space http://www.pluesch.ch/frueschgwaesche/2007/09/12/plusch-space/ http://www.pluesch.ch/frueschgwaesche/2007/09/12/plusch-space/#comments Wed, 12 Sep 2007 13:28:32 +0000 pluesch nöigkeite http://www.pluesch.ch/frueschgwaesche/2007/09/12/plusch-space/ Ab sofort findet ‘er üs ou ir grosse wyte mäispeiss-wält under http://www.myspace.com/pluesch

Mit de beschte Grüess
los plüschos

]]> http://www.pluesch.ch/frueschgwaesche/2007/09/12/plusch-space/feed/ Schaffhausen - Munot http://www.pluesch.ch/frueschgwaesche/2007/09/05/schaffhausen-munot/ http://www.pluesch.ch/frueschgwaesche/2007/09/05/schaffhausen-munot/#comments Wed, 05 Sep 2007 21:43:45 +0000 pluesch Underwägs http://www.pluesch.ch/frueschgwaesche/2007/09/05/schaffhausen-munot/ ]]> http://www.pluesch.ch/frueschgwaesche/2007/09/05/schaffhausen-munot/feed/ Zürich - Live@Sunset http://www.pluesch.ch/frueschgwaesche/2007/09/05/zurich-livesunset/ http://www.pluesch.ch/frueschgwaesche/2007/09/05/zurich-livesunset/#comments Wed, 05 Sep 2007 21:43:21 +0000 pluesch Underwägs http://www.pluesch.ch/frueschgwaesche/2007/09/05/zurich-livesunset/ ]]> http://www.pluesch.ch/frueschgwaesche/2007/09/05/zurich-livesunset/feed/ Thun - Schadaufestival http://www.pluesch.ch/frueschgwaesche/2007/09/05/thun-schadaufestival/ http://www.pluesch.ch/frueschgwaesche/2007/09/05/thun-schadaufestival/#comments Wed, 05 Sep 2007 21:13:44 +0000 pluesch Underwägs http://www.pluesch.ch/frueschgwaesche/2007/09/05/thun-schadaufestival/ ]]> http://www.pluesch.ch/frueschgwaesche/2007/09/05/thun-schadaufestival/feed/